أسف يا رب

أسف يا رب
على كل أية ناقصة مني في الصلاة
على أي غلطة ف
حق بنت تحبني
مبحبهاش
على أمي لما
تدق بابي عشان
أصلي
فأقولها
أنا عايز أنام
على ضهر أبويا
اللي انتنى
معدلتهوش
مع إني بعرف في المساج
على أخت تستنى
النقوط
وأنا م الفلس
لا أملك جنيه
على كلمة طيبة
ف حق
ناس يكرهوني
مقولتهاش
على لقمة زايدة
ف حلقي
كان أولى بيها
كلب مقطومة رجله
الورانية
على أي كتاب حبسته
عن اللي عايزه
لأنه عندي
أريح
منه عنده
على هيا هيا
بنت واحدة بحبها
ومقولهاش
على صاحبي
اللي قبل ما يبقى
صاحبي
ف مرَّة خنته
وهو عارف
ومقالناش
يعمل أيه اللي قلبه
بين صوابعك
غير يطيعك
حتى لو عصاك
مش طالعة مني
بحق ديقي .. للسما
غير همهمة
يمكن بيبانك
ليا لسه مقفلة
بس أنا ..
أسف يا رب

لـــ أحمد العايدى

Share انشر الموضوع على الفيس بوك