كان نفسى أكون زيه
عيل شقى بلبوص
رافض يعيش الواقع الملموس
رافض يدوس ع الأرض
رافض يكون محبوس
راكب حصانه الخشب
حصان مالهشى لجام
ويحط رأسه ع المخدة يناااام
ويلون الأحلام بألوانه الجريئة
قادر يهد السور
مابين شموس الحلم.. وضلام الحقيقة
قادر يلاقى طريقة للتعبير
عن كل أحاسيسه البريئة
فرحان.. بيضحك ضحكة رنّانة
ولا ضحكة المجانين..
زعلان.. بيبكى دمعة زنّانة
ميهمهاش إن الجيران نايمين
كرهك.. ف وشك يزُقك
وتقول عليه عيل
حبك.. يبوسك فى بُقك
وهو بيريل
ويحط راسه على صدرك وبيقيّل
ساعتها بتخيّل.. لو كنت أنا زيه
وماضعشى منى العمر ع الفاضى
كنت اما أحس الكلمة أكتبها
من غير ما أحسبها وادفع وانا راضى
واشطب كلام بكلام
أحلم ب بكره وبس.. وماخفشى م الماضى
ولا ابص غير قدام
كان نفسى أكون زيه
لكن ويا للأسف.. العمر له أحكاااام
لـــ الشاعر :أسامة عبد الصبور
Share انشر الموضوع على الفيس بوك
عيل شقى بلبوص
رافض يعيش الواقع الملموس
رافض يدوس ع الأرض
رافض يكون محبوس
راكب حصانه الخشب
حصان مالهشى لجام
ويحط رأسه ع المخدة يناااام
ويلون الأحلام بألوانه الجريئة
قادر يهد السور
مابين شموس الحلم.. وضلام الحقيقة
قادر يلاقى طريقة للتعبير
عن كل أحاسيسه البريئة
فرحان.. بيضحك ضحكة رنّانة
ولا ضحكة المجانين..
زعلان.. بيبكى دمعة زنّانة
ميهمهاش إن الجيران نايمين
كرهك.. ف وشك يزُقك
وتقول عليه عيل
حبك.. يبوسك فى بُقك
وهو بيريل
ويحط راسه على صدرك وبيقيّل
ساعتها بتخيّل.. لو كنت أنا زيه
وماضعشى منى العمر ع الفاضى
كنت اما أحس الكلمة أكتبها
من غير ما أحسبها وادفع وانا راضى
واشطب كلام بكلام
أحلم ب بكره وبس.. وماخفشى م الماضى
ولا ابص غير قدام
كان نفسى أكون زيه
لكن ويا للأسف.. العمر له أحكاااام
لـــ الشاعر :أسامة عبد الصبور
