صوابع إيديكى
لما بتلمس صوابعى
بتعزف على أوتارهم
لحن فلامنكو أسبانى رهيب
مع إنى عمرى ماروحت اسبانيا
ولا مسكت الجيتار
وليلة ماحلمت بيكى
صحيت نفسى مفتوحه
ولأول مرة من زمان قوى
قررت إنى أعمل فطار
ماحسيتش بنفسى
غير وانا باغسل ف قلبى وبانضفه
وقطعتهولك مع شوية مشاعر
وحبة حنان ونقطتين شوق
وبالهنا والشفا
معلش
اصلى مابعرفش اعمل سلطة خضارعملت فنجان قهوة - غامق تقيل –
يمكن يفوقنى منـك
ولاَ يساعدنى آخد قرار
وبصيت فى وشه لقيت وشك ف وشى
ضحكت .. وشربت
لقيتها قهوة سكر زيادة
ورغم البن التقيل
ماحسيتش خالص بطعم المرار
ومع إنى إبن ليل
وأقرب صحابى لقلبى
هما نجوم السما
وساعة بداية الدنيا قلبى كان قمر
مابيطلعش غير لما الدنيا تضلم
وتفضى الشوارع والناس تروح
ولما قابلتك لقيته على صدرى إترمى
ولكن يا أم الشمس ساكنه ف عيونك
بقيت دلوقتى أنزل كل صبح
أصبح ع الشوارع وأضحكلها
عشان خاطرك إنتى بس
ياللى إبتسامتك بس بتجيب النهار
وبعد الكلام الكتير المكتوب ع الورق
وبعد ما عقب السيجارة اتحرق
وبعد الغرق
والهروب والفرار
لقيتنى راجعلك
كأنى كوكب لضم مع مدار
باقولك باحبك - باقولها بجد –
رغم إنى حاولت أقولها بهزار
عشان كل ده - وده مش شويه –
لازم تحبينى .. وتصدقينى
من غير ما تجربى كل الحاجات دى
باحبك ..
مافيش حل تانى
وهاتحبينى
مافيش إختيار .
لــ شادى زلط
Share انشر الموضوع على الفيس بوك
لما بتلمس صوابعى
بتعزف على أوتارهم
لحن فلامنكو أسبانى رهيب
مع إنى عمرى ماروحت اسبانيا
ولا مسكت الجيتار
وليلة ماحلمت بيكى
صحيت نفسى مفتوحه
ولأول مرة من زمان قوى
قررت إنى أعمل فطار
ماحسيتش بنفسى
غير وانا باغسل ف قلبى وبانضفه
وقطعتهولك مع شوية مشاعر
وحبة حنان ونقطتين شوق
وبالهنا والشفا
معلش
اصلى مابعرفش اعمل سلطة خضارعملت فنجان قهوة - غامق تقيل –
يمكن يفوقنى منـك
ولاَ يساعدنى آخد قرار
وبصيت فى وشه لقيت وشك ف وشى
ضحكت .. وشربت
لقيتها قهوة سكر زيادة
ورغم البن التقيل
ماحسيتش خالص بطعم المرار
ومع إنى إبن ليل
وأقرب صحابى لقلبى
هما نجوم السما
وساعة بداية الدنيا قلبى كان قمر
مابيطلعش غير لما الدنيا تضلم
وتفضى الشوارع والناس تروح
ولما قابلتك لقيته على صدرى إترمى
ولكن يا أم الشمس ساكنه ف عيونك
بقيت دلوقتى أنزل كل صبح
أصبح ع الشوارع وأضحكلها
عشان خاطرك إنتى بس
ياللى إبتسامتك بس بتجيب النهار
وبعد الكلام الكتير المكتوب ع الورق
وبعد ما عقب السيجارة اتحرق
وبعد الغرق
والهروب والفرار
لقيتنى راجعلك
كأنى كوكب لضم مع مدار
باقولك باحبك - باقولها بجد –
رغم إنى حاولت أقولها بهزار
عشان كل ده - وده مش شويه –
لازم تحبينى .. وتصدقينى
من غير ما تجربى كل الحاجات دى
باحبك ..
مافيش حل تانى
وهاتحبينى
مافيش إختيار .
لــ شادى زلط
