صوت الحريه بينادي

نزلت وقلت انا مش راجع , وكتبت بدمي في كل شارع
سمعنا اللي ماكنش سامع , واتكسرت كل الموانع
سلاحنا كان احلامنا , وبكره واضح قدامنا
من زمان بنستنا , بندور مش لاقيين مكانا

في كل شارع في بلادي , صوت الحريه بينادي
في كل شارع في بلادي , صوت الحريه بينادي

رفعان راسنا في السما , والجوع مابقاش بيهمنا
اهم حاجه حقنا , ونكتب تاريخنا بدمنا
لو كنت واحد مننا , بلاش ترغي وتقولنا
نمشي ونسيب حلمنا , وبطل تقول كلمه انا

في كل شارع في بلادي , صوت الحريه بينادي
في كل شارع في بلادي , صوت الحريه بينادي

ايادي مصريه سمرا ليها في التمييز , ممدوده وسط الزئير بتكسر البراويز
طلع الشباب البديع قلبو خريفها ربيع , وحققو المعجزه صحو القتيل من القتل

اقتلني !!
قتلي ماهيعيد دولتك تاني
بكتب بدمي حياه تانيه لاوطاني
دمي ده ولا الربيع
الاتنين بلون اخضر وببتسم من سعادتي ولا احزاني

في كل شارع في بلادي , صوت الحريه بينادي
في كل شارع في بلادي , صوت الحريه بينادي

Share انشر الموضوع على الفيس بوك