http://1.bp.blogspot.com/-zOIxyW4PfUA/TsvECaf2MtI/AAAAAAAAiV4/c_WmAa2-Tv8/s1600/Untitled-1.jpg

 

هذه المدونة تابعة لمنتدى مما قرأت واعجبني , لزياره المنتدى إضغط هنـــــــــــــا

الاثنين، 7 فبراير، 2011

(حلم المصري (خطاب إلى الرئيس


"حلم المصري"

(خطاب إلى الرئيس)



سيادة الرئيس بعد التحيات


بخصوص حلمي هأتكلم عامِّي

أصلي ماليش في الرسميات



أنا مُش أناني ولا مغرور


حلمي لا مال ولاهو قصور

ولا أكون نجم ولا مشهور

ولا قبطان أعدِّي بحور



لانا جَهبَز ولا سابق عصري


بس أنا الإنسان المصري

حلمي أعَدِّل في الدستور

وأعيش حر كما العصفور

مبقاش عايش زي التور

أعمى ف ساقية يلف يدور



قوللي يا ريِّس ساكت ليه


قطَّع روس الخونة يا بيه

رجَّع حق الشعب إليه

زي ما قبلك سبقوا وعملوا



إسرائيل كان ليها سادات


جيشه دخل سينا دبحها

عبد الناصر ساعة النكسة

واجه شعبه وقال هأتنحى

وإحنا بقالنا سنين في الوكسة

ملِّينا من قُولِة (*7*)

هو أنا يعني لجل ما أغير


لازم أخرب لازم أثور

مش هنخرب ولا هنثور

لجل بلدنا ماتفضل عالية

وأرض بلدنا في يوم ما تبور



بس يا ريِّس حق المصري


إنه يعيش في وطن مستور

ليلنا يا ريِّس طَوِّل جداً

وبنتسائل إمتى يغور

حلم المصري يصبح بكره

يلقى الشمس طلعلها نور





، بقلم


محمد صابـر
Share انشر الموضوع على الفيس بوك

Subscribe اكتب ايميلك هنا وبعدها اضغط على كلمه

بعد اشتراكك توجه فورا الى بريدك هتلاقي رساله بعنوان :فعل اشتراكك في موقع مما قرات افتحها وفعل اشتراكك ودي اهم خطوه علشان يوصلك جديدنا ... من غيرها كانك ماشتركتش خالص

المشاركات الشائعة