http://1.bp.blogspot.com/-zOIxyW4PfUA/TsvECaf2MtI/AAAAAAAAiV4/c_WmAa2-Tv8/s1600/Untitled-1.jpg

 

هذه المدونة تابعة لمنتدى مما قرأت واعجبني , لزياره المنتدى إضغط هنـــــــــــــا

الثلاثاء، 15 فبراير، 2011

الجحش قال للحمار ...


الجحش قال للحمار *** يابا اديني الحنطور

ياباإنت سنّك كبر *** و وَجَب عليّا الدور

...كَـحّ الحمار كَـحة *** فزعِت لها الركاب

مش يابني بالصحة *** ده كل شئ بحساب

و سواقة الحنطور *** محتاجة حدّ حكيم

و إنت عينيك فارغة *** همّك على البرسيم

قوللي تسوق إزاي *** و التبن مالي عينيك

ده حتى حبل اللجام *** واسع يا إبني عليك

إعقل و بطّل طمع *** لا تسخّن الركاب

ماتجيش يا واد جنبهم *** لا تبقى ليلة هباب

دول صنف ناس جبّار *** قادر مالوهش أمان

يبان عليهم وَهَن *** لكنهم فرسان

يابا دا نومهم تِقِل *** و بقالُه يابا سنين

كل البشر صحصحوا *** و لسه دول نايمين

يا جحش بطّل هبل *** و بلاش تعيش مغرور

رُكابنا مش أغبيا *** ولا عضمهم مكسور

بُكرة حيصحولك *** و يزلزلوا الحنطور

و تلاقي في قفاك *** تمانين خازوق محشور

لــ أحمد فؤاد نجم
قصيدة راجل ابن راجل
Share انشر الموضوع على الفيس بوك

Subscribe اكتب ايميلك هنا وبعدها اضغط على كلمه

بعد اشتراكك توجه فورا الى بريدك هتلاقي رساله بعنوان :فعل اشتراكك في موقع مما قرات افتحها وفعل اشتراكك ودي اهم خطوه علشان يوصلك جديدنا ... من غيرها كانك ماشتركتش خالص

المشاركات الشائعة