واقف فى وسط المظاهرة
فااااهم
...
وعارف قيمة المخاطرة
...
واقف فى وسط المظاهرة
ثابت على موقفى
ومش ممكن ارجع و مش هكتفى
وسامع هتاف بانتظام
الشعب يريد اسقاط النظام
و سامع صوتك يا ريس
يقول منتخبنا كويس
يقول ..
مين بيتظاهر وايه اللى حصل
مين اللى مشى و مين اللى وصل
وباعت عساكرك عليا معاهم جمل
فضلت اهتف والضرب اشتغل
فضلت واقف
ثابت على موقفى
ومش ناوى ارجع ومش هكتفى
وقعت فى مكانى واغمى عليا
فضلت اهتف
بقلبى
بروحى
وعنيا
بهتف بدمى اللى سايل
حاضن ترابك يا بلدى و شايل
فى قلبى حلم الوطن
حلم الشهيد اللى ادفن
وفجاة قابلت الشهيد
وشه منور ولابس جديد
شوفته على هيئته
كان ساكن فى قصر
مكتوب علي يافطته
شهيد ابن مصر
مما كتب : احمد يونس
