يا عرق الغضب فوق جبين الرجال
يا ضَهر اللي حارب
يا عودي اللي مال
...
تعالوا و قوموا
و صلّوا و صوموا
وصونوا بلادكم
كرامة و رمال
يا شيخنا العَجوز اللي ياما زمان
يكبّر ويُخطُب في قَلب الآدان
وينشر في قلب العباد انبساطه
ويشرح قلوبنا بكُل البساطه
تعالى ونادي
وجنبك ولادي
كرامة بلادنا معانا فـ آمان
يا قلب الكنيسه يا فُلك النجاه
آهات اللي ماتوا بـ ميت ألف آه
ياجرح الوطن يوم جراح الضحايا
يا وحدة رايتنا صَبَحتي مرايه
يا مصر يا آيه
وفيكي سراية
لابد الهوان يوم يفوت الجباه
يا كُل العِماله و يا شقيانين
يا عاطل وباطل في وطنك سجين
تخافوا هاتشقوا
تثوروا هاتبقوا
واخيراً هاتلقوا النهار له عينين
لــ مايكل عادل
