بتخاف من إيه؟.. بتخاف على إيه؟..
وهتاخد إيه م الخوف اللى إنت أخدت عليه؟!
بتخاف من بكره ومن بعده؟
...
من حلم بيوعد وبيحلف وبيكدب وبيخلف وعده؟
بتخاف م البرق ومن رعده بره الشبابيك؟
بتخاف م السكة اللى بتاخدك فين هتوديك؟
بتخاف م المترو وم الأوتوبيس؟
بتخاف م الضلمة وم الفوانيس؟
ومن الكوابيس اللى تلاحقك ليل ويا نهار؟
بتخاف م النار؟ ومن المشوار؟ ومن الأفكار الهدامة؟
بتخاف ياما..
بتخاف من شغلك ومشاكله؟
بتخاف م الأكل اللى بتاكله؟
بتخاف عفريتك يطلع لك فى طريقك ويخضك شكله؟
بتخاف من مين؟
بتخاف م الناس اللى بياكلوا حق المساكين؟
بتخاف م الشارع والفتارين؟.. ومن الجرانين؟ ومن الشاشة؟
من كل الدنيا الغشاشة؟
بتخاف وبخاف
والخوف يتحول سجن كبير
وجبال بنشيلها على الأكتاف
وتطاطى ضهورنا المحنية..
لكن أنا عندى سؤال واحد
وتجاوبه لنفسك مش ليّا
من قبل الخوف أو بعد الخوف
طلعت بطاقة انتخابية؟!؟
لـــ أسامه عبد الصبور
شاعر مصرى
Share انشر الموضوع على الفيس بوك
وهتاخد إيه م الخوف اللى إنت أخدت عليه؟!
بتخاف من بكره ومن بعده؟
...
من حلم بيوعد وبيحلف وبيكدب وبيخلف وعده؟
بتخاف م البرق ومن رعده بره الشبابيك؟
بتخاف م السكة اللى بتاخدك فين هتوديك؟
بتخاف م المترو وم الأوتوبيس؟
بتخاف م الضلمة وم الفوانيس؟
ومن الكوابيس اللى تلاحقك ليل ويا نهار؟
بتخاف م النار؟ ومن المشوار؟ ومن الأفكار الهدامة؟
بتخاف ياما..
بتخاف من شغلك ومشاكله؟
بتخاف م الأكل اللى بتاكله؟
بتخاف عفريتك يطلع لك فى طريقك ويخضك شكله؟
بتخاف من مين؟
بتخاف م الناس اللى بياكلوا حق المساكين؟
بتخاف م الشارع والفتارين؟.. ومن الجرانين؟ ومن الشاشة؟
من كل الدنيا الغشاشة؟
بتخاف وبخاف
والخوف يتحول سجن كبير
وجبال بنشيلها على الأكتاف
وتطاطى ضهورنا المحنية..
لكن أنا عندى سؤال واحد
وتجاوبه لنفسك مش ليّا
من قبل الخوف أو بعد الخوف
طلعت بطاقة انتخابية؟!؟
لـــ أسامه عبد الصبور
شاعر مصرى
