ينصر دينك يا بطل
قتلت ناس عُزًّل كتير
ستات، شيوخ وكمان عيال
...
ازحت عنا خطر كبير
دي ناس بتقول الله محبه
والمحبه دي شئ خطير
إقتل بطرس وإقتل مينا
اللي إخواتهم ماتوا في سينا
واللي ولادهم رقصوا فـي فرحك
واللي فـ ميّتم بيعزّينا
إقتل ماري وطنط تريزا
دول ناس مافيهومشي ولا ميزه
دايمًا كده يبتسموا في وشك
ويقولوا اهلاً خطوه عزيزه
وإقتل برضه عمّك حنا
في اي خناقه بيحوش عنّا
غاوي يصّلح بين الناس
ولا يمكن يوّرد على جنّه
وإقتل سامي ناجي نجيب
اصل الإسم صراحه مريب
يمكن يطلع واحد منهم
او داقق على إيده صليب
ولا اقولّك...إضرب شبرا
والكيت كات وميدان الاوبرا
فجّر واحده في كل مكان
خلّي جيرانهم يصبحوا عبرا
لينا رب إسمه الكريم
ها يجي يوم تعرض عليه
تقف امامه و يسألك الشخص ده عملك إيه؟
بأي ذنب تقتله
وفين ومين وإزاي وليه؟
إبقى قول لي يا بطل
ها ترد يومها..
وتقول إيه؟.
Share انشر الموضوع على الفيس بوك
كيف تعرفين أنه يحبك بصدق؟ هذا السؤال يحير النساء كثيرا . فالرجل عند المرأه مشبوه , وتاريخه معها شكوك وعدم ثقة وحرب متصلة منذ حادث التفاحة, و...
الكلام ده منقول من احد المواقع بس عجبني جدا وحبيت اشاركم بيه :) من كام يوم فاتوا، اتفق مجموعة من الأصحاب إنهم يخرجوا
أحياناً نصمت لأن الصمت أبلغ من الحديث ... وأحياناً لأنه أرخص أنواع الفلسفة وأعمقها ... أحياناً نصمت لأننا نجهل كيف نٌجيب ...وأحياناً لأن في ...
كلمه بس قبل مانقرأ الخبر : ياجماعه بسم الله
اسكت يا قلبي فالفضاء لا يسمعك. اسكت فالأثير المثقل بالنواح والعويل لن يحمل أغانيك وأناشيدك. اسكت فأشباح الليل لا تحفل بهمس أسرارك ومواكب الظ...
